Tólebı aýdanynda sybaılas jemqorlyqqa qarsy kúres máseleleri talqylandy

TÓLEBI. QazAqparat – Túrkistan oblysy, Tólebı aýdanynda sybaılas jemqorlyqqa qarsy kúres máseleleri talqylandy. Aýdan ákimi Baýyrjan Omarbekovtiń tóraǵalyǵymen ótken jıynǵa sybaılas jemqorlyqqa qarsy kúres máseleleri jónindegi komıssııanyń quramy men aýdandyq máslıhattyń hatshysy N.Qoıbaǵarov, aýdan prokýrory D.Tlemısov qatysty, dep habarlaıdy QazAqparat tilshisi.

Sondaı-aq, otyrysqa qala, aýyldyq okrýg ákimderi, aýdandyq derbes bólim, quqyq qorǵaý organdarynyń basshylary men memlekettik qyzmetkerlerim de arnaıy shaqyryldy. Kezdesý barysynda aýdandyq aýylsharýashylyǵy jáne jer qatynastary bóliminiń 8 aı qorytyndysy men sybaılas jemqorlyqqa qarsy zańnamalarynyń oryndalýy sóz boldy. Bul baǵytta atqarylǵan sharalar men «Tólebı aýdanynyń halyqty jumyspen qamtý ortalyǵy» kommýnaldyq memlekettik mekemesindegi sybaılas jemqorlyqqa qarsy zańnamalarynyń oryndalýy jaıy qamtyldy. «B» korpýsynyń memlekettik ákimshilik qyzmetine kirý tártibi jáne ózge de máseleler aıtyldy. Atap aıtqanda, qyzmet babyna jiberilgen kemshilikter men tártiptik jaýapkershilik komıssııa nazaryna alyndy. Qaralǵan máselelerden soń, aýdan basshysy sybaılas jemqorlyqtyń aldyn alý jáne memlekettik qyzmet kórsetý kezindegi sybaılas jemqorlyq táýekelderin joıý boıynsha tıisti sharalar qabyldap, ony boldyrmaý men aldyn alý jumystaryn uıymdastyrýdy tapsyrdy.