Tólebı aýdanynda shokolad óndirisi qolǵa alynǵan
Atalǵan kásiporyn jylyna 3 myń tonnaǵa jýyq balmuzdaq, 15 tonna túshpara ónimin shyǵarady. Sondaı-aq, seriktestikte ótken jyly jobalyq quny 800 mln teńgeni quraıtyn shokoladty glazýr jáne shokolad óńdeıtin tsehyn iske qosylǵan. Aldaǵy ýaqytta tsehta jylyna 1100 tonna shokoladty glazýr men shokolad ónimderi óndiriletin bolady.
Budan soń óńir basshysy Kıelitas aýyldyq okrýginde ornalasqan «Gazpromneft-Bıtým Qazaqstan» JShS munaı ónimderin óńdeıtin zaýyttyń jumysyn kórip, «Shymkent Qus» JShS qus etin óndiretin tsehynyń jańa qurylys jumystarymen tanysty. 2019 jyldyń qazan aıynda iske qosylatyn jobaǵa 896 mln teńge ınvestıtsııa tartylǵan. Munda jylyna 2500 tonna qus etin óndirý josparlanǵan. Ómirzaq Shókeev aýdan basshysyna qus etin óndirýdi arttyryp, kásipkerlerge qajetti jer telimderin bólýdi tapsyrdy. 
Aımaq basshysy sapary barysynda sondaı-aq, «Qazyǵurt baqtary» aýylsharýashylyq óndiristik kopperatıvinde de boldy. Egis alqabynda búgingi tańda 265 000 kóshet otyrǵyzylǵan. 140 ga aýmaqtyń 110 gektary alma baý, al qalǵan 28 gektardyń qurylysy júrgizilýde. Baǵbandardyń sózinshe, kóshetterdiń barlyǵy Italııadan ákelingen. Sonyń ishinde Grenın Sıt sorty - 50 myń, Aıdared - 50 myń, Golden delıshes - 115 myń túp bar. Sonymen birge, Gala sortynan 50 004 túp egilgen. Jalpy egis alqabyna 1 mlrd teńge qarjy bólingen. 
Kooperatıvte Ómirzaq Estaıuly jaýapty sala basshylaryna qarqyndy baý kólemin arttyrý jóninde tapsyrma berdi. Mol ónim alýda tamshylap sýǵarý ádisiniń tıimdiligin aıtty. 
Aýdandaǵy óndiris oryndaryn aralaǵan óńir basshysy kásipkerlikti damytý, jumys oryndaryn ashý jóninde tapsyrmalar berip, turǵyndardyń ál-aýqatyn jaqsartatyn jumystardy jandandyrýdy tapsyrdy.
