Tólebı aýdanynda «Marafon-2019» júgirý jarysy ótti
TÓLEBI. QazAqparat – Túrkistan oblysy Tólebı aýdanynda «Marafon-2019» júgirý jarysy ótti. Marafon tańǵy ýaqytta Lengir qalasynyń Shańyraq alleıasynan bastalyp, 1-móltek aýdandaǵy Sport kesheninde aıaqtaldy, dep habarlaıdy QazAqparat tilshisi.
Júgirý jarysyna erler arasynda 14-20, 20-30, 40 jastan joǵary, áıelder arasynda 14-20, 20 jastan joǵary azamattar qatysty. Munan soń jańadan boı kótergen sport kesheninde «Tólebı aýdany oıyndary-2019» jobasynyń jeńimpazdaryn marapattaý rásimi ótti. Іs-sharaǵa qatysqan aýdan basshysy Baýyrjan Omarbekov sharanyń mańyzdylyǵyna toqtalyp, sportshylarǵa aldaǵy ýaqytta sáttilik tiledi.
«Halyq densaýlyǵyn jaqsartýǵa baǵyttalǵan búgingi ıgilikti is ómir saltymyzǵa aınalyp, jastarymyzdyń rýhyn, aýdan halqynyń birlik pen yntymaǵyn arttyryp, salaýatty ómir saltyna shaqyratyny anyq»,- dedi aýdan basshysy.
Shara barysynda «Tólebı aýdany oıyndary-2019» jobasynda fýtbol, basketbol, voleıbol, qazaq kúresi, erkin kúres, toǵyzqumalaq, shekemtas, aýdaryspaq, kókpar syndy sport túrlerinen synǵa túsken sportshylar marapattalyp, syı-sııapattar tabystaldy.
Sonymen qatar jalpy 4,6 shaqyrym jerdi júgirip ótken, belsendilik tanytqan aýdan turǵyndary da marapattaldy. Olarǵa uıymdastyrýshylar tarapynan syılyqtar tapsyryldy.
