Tólebı aýdanynda bıyl 2 mektep paıdalanýǵa beriledi
TÓLEBI. QazAqparat - Túrikstan oblysy Tólebı aýdanynda 2 jańa mektep salynyp, 1 bilim oshaǵy keńeıtilýde, dep habarlaıdy QazAqparat Túrkistan oblysynyń Óńirlik kommýnıkatsııalar qyzmetine silteme jasap.
Atap aıtqanda, Qaınar jáne Aqbastaý eldi mekenderinde 200 oryndyq eki birdeı jańa mekteptiń, Lengir qalasyndaǵy №1 mektep-gımnazııasyna qosymsha oqý korpýsyn salý úshin qarjy qaralǵan. Qurylys jumystary belgilengen kestege sáıkes júrgizilýde. Ǵımarattardyń qurylysy byltyr bastalǵan.
Aıta keterligi, aýdanda taǵy 4 mekteptiń qurylysyn júrgizýge jobalyq-smetalyq qujattamalarynyń oń qorytyndysy alynyp, qarjylandyrýǵa usynylǵan. Sondaı-aq, 1 mekteptiń qurylysyn júrgizýge qajetti qujattar ázirlenýde. Al, Lengir qalasyndaǵy 80 oryndyq oqýshylar úıiniń qurylys-montaj jumystaryn qarjylandyrý «Jumyspen qamtýdyń jol kartasy» baǵdarlamasy aıasynda qoldaý tapqan.
