Tólebı aýdanynda azamattyq qorǵaý salasynda oqý-jattyǵý ótti
Bul shara QR Qaýipsizdik Keńesi otyrysynyń 2017 jylǵy 3 qazandaǵy hattamalyq tapsyrmasyn iske asyrý sheńberinde jáne Túrkistan oblysynyń ákimimen bekitilgen «2017-2019 jyldarǵa arnalǵan azamattyq qorǵaý azamattyq qorǵaý basqarý organdary men kúshterin daıyndyqqa keltirý is-sharalar josparyna» sáıkes uıymdastyryldy.
Tabıǵı jáne tehnogendik sıpattaǵy tótenshe jaǵdaılar kezinde basqarý organdarynyń, azamattyq qorǵaý qyzmetteri men Azamattyq qorǵaý qurylymdarynyń, obektileriniń is-áreketteri boıynsha oqý-jattyǵý aǵymdaǵy jyldyń 30 qyrkúıegi men 2 qazan aralyǵynda aýdan aýmaǵynda keshendi ótkizildi.
Úsh kúnge sozylǵan keshendi oqý-jattyǵýǵa QR ІІM Túrkistan oblysy Tótenshe jaǵdaılar departamentinen kelgen qyzmettkerleri aýdan aýmaǵynda ótkizilgen barlyq is-sharalarǵa qatysty. Shara aıasynda aýdandyq tótenshe jaǵdaıdyń aldyn alý jáne joıý jónindegi, evakýatsııa komıssııalarynyń uıymdastyryýshylyq qujattaryna ózgerister men tolyqtyrýlar engizildi. Memlekettik mekemelerde, barlyq úlgidegi jalpy bilim beretin mektepter men orta kásiptik oqý oryndarynda, mektepke deıingi balalardy tárbıeleý mekemelerinde, halyq kóp shoǵyrlanatyn jerlerde, kóp qabatty turǵyn úılerde jalpy aýdandyq seısmıkalyq jattyǵýlar jáne sel qaýipi bolýy múmkin aımaqta sel jattyǵýlar uıymdastyryldy. Avarııalyq-qutqarý qyzmetteri daıyndyqqa keltirilip, aýdannyń azamattyq qorǵanys bastyǵynyń jáne tótenshe jaǵdaılar komıssııa tóraǵasynyń jyljymaly basqarý beketi tekserýden ótti.
Sondaı-aq, shuǵyl áreket etý jasaǵy, qutqarý, jol jáne kópirler, ınjenerlik komanda, jeke qorǵaný quraldaryn taratý beketi, aýyl ákimderi men turǵyndardy qatystyryp evakýatsııalyq jınaý pýnkterin (EJP), evakýatsııalyq qabyldaý pýnkterin (EQP) daıyndyqqa keltirip kórsetildi. Budan bólek, ýlandyrǵysh zattar men bakterııalyq quraldarǵa synaptardy anyqtaý, radıatsııalyq-hımııalyq qadaǵalaý postyn is júzinde jaıyp, asa qaýipti juqpaly indet oqıǵasy oryn alǵan jaǵdaıda ony emdeý profılaktıkalyq mekemesin epıdemııaǵa qarsy kezeńge aýystyrldy.
Basqa da aýrýlar oryn alǵan jaǵdaıdaǵy is-qımyldary kórsetildi. Oqý-jattyǵý sońynda qorytyndy jınalys ótkizilip, oblystyq Tótenshe jaǵdaılar departamenti qyzmetkerleri tarapynan Tólebı aýdanynyń azamattyq qorǵaý qyzmetteri men qurylymdary tabıǵı jáne tehnogendik sıpattaǵy tótenshe jaǵdaılardy joıýǵa daıyn degen baǵalaryn berdi.