Tólebı aýdanynda aýyl sharýashylyǵy eńbekkerleriniń «Altyn kúz-2019» merekelik sharasy ótti
TÓLEBI. QazAqparat – Túrkistan oblysy, Tólebı aýdanynda aýylsharýashylyǵy eńbekkerleriniń «Altyn kúz-2019» merekesi ótti. Bul kúni aýdandaǵy 12 aýyldyq okrýgtiń sharýa qojalyqtary aýyl sharýashylyǵy ónimderiniń jármeńkesin uıymdastyrdy, dep habarlaıdy QazAqparat tilshisi.
Saltanatty sharaǵa aýdan ákiminiń orynbasary Serjan Dúısebaev pen aýdandyq máslıhattyń hatshysy Nurlan Qoıbaǵarov, aýdan turǵyndary men sharýalar jáne dıhandar qatysty. Aýyl sharýashylyǵy jáne óńdeýshi ónerkásip eńbekkerlerin kásibı merekesimen quttyqtaǵan aýdan ákiminiń orynbasary sala mamandarynyń óz isine degen adaldyǵy eń joǵarǵy qurmet pen qoshemetke laıyq ekendigin atap ótti. Shara barysynda aýyl sharýashylyǵy salasynda joǵary kórsetkishke qol jetkizgen aýylsharýashylyq óndiristik kooperatıvteri, sharýa qojalyqtary aýdan ákiminiń alǵys hatymen jáne aýdandyq máslıhattyń alǵys hattarymen marapattalyp, olarǵa arnaıy syılyqtar tabystaldy. Іs-shara sońy aýdan ónerpazdarynyń kontserttik baǵdarlamasyna ulasty. Sondaı-aq, aýdan jastary qazaqsha kúres, qoshqar kóterý jáne qol kúres syndy sport túrlerinen kúsh synasty.
