Tólebı aýdanynda 6 myńnan astam turǵyn taza aýyzsýmen qamtylady
ShYMKENT. QazAqparat - Túrkistan oblysyna qarasty Tólebı aýdanynda sý qubyrlarynyń qurylysy qarqyndy júrýde. Bıyl taýly aýdannyń eki birdeı aýyly sapaly aýyz sýmen qamtamasyz etiledi, dep habarlaıdy QazAqparat tilshisi.
Atap aıqanda, turǵyndary artezıan qudyqtardan sý iship kelgen Taǵaına aýylynda qurylys jumystary mamyr aıynda bastalǵan. Al, sý qubyrlary tozǵan Zaǵambar aýylynda sý qubyryn tartý sáýir aıynan beri júrgizilip jatyr. Bul jumystar aǵymdaǵy jyldyń sońynda aıaqtalyp, 6 myńnan asa aýyl turǵyny sapaly sýmen qamtamasyz etetin bolady. Sondaı-aq, atalǵan aımaqta árqaısysy 2 danadan syıymdylyǵy 150 jáne 300 tekshe metrlik sý jınaǵysh-rezervýardyń qurylysyda júrip jatyr. Aldaǵy ýaqytta eki eldi mekenge tirshilik nári uńǵymalardan beriledi. Ondaǵy sý ótkizgishterdiń jalpy uzyndyǵy - 78,327 shaqyrymdy quraıdy. Sý qubyry jelileriniń qurylysy respýblıkalyq bıýdjet esebinen júzege asyrylýda.
