Tóle bıdiń 350 jyldyǵyna oraı Tashkentte alǵashqy shara ótti
TAShKENT. 3 maýsym. QazAqparat - Ózbekstan astanasynda qazaqtyń uly danagóı abyzy Tóle bıdiń 350 jyldyǵyna oraı saltanatty shara uıymdastyryldy.
Kúnniń alǵashqy jartysynda «Tóle bı-Shaıhantaýr» kesheninde onyń urpaqtary, Qazaqstannyń Ózbekstandaǵy elshiliginiń jáne qazaq dıasporasynyń ókilderi bas qosty. Olar ulı bıge taǵzym etip, ataqty atalaryna quran baǵyshtady.
Sonymen qatar jıyn ótkizildi. Onda QR-diń Ózbekstandaǵy Tótenshe jáne Ókiletti Elshisi Bóribaı Jeksembın, Respýblıkalyq ınternatsıonaldy mádenı ortalyǵynyń dırektory Nasreddın Mýhammadıev, ÓR Respýblıkalyq qazaq mádenı ortalyǵynyń tóraǵasy Marat Úkibaev jáne taǵy basqa meımandar sóz sóıledi.
Tarıhı derekterge júginsek, Uly júzdiń bıi Tóle ózi basqarǵan Shymkent, Túrkistan jáne Tashkent qalalarynda sáýlettik nysandardy salýǵa belsendi túrde atsalysqan. Tóle bı ózi 12 jyl bılik júrgizgen Tashkent qalasynda, óziniń atasy Júnis hannyń janyna jerlengen. Ataqty bıdi elimizdiń keı aımaqtarynda jáne Ózbekstanda Qarlyǵash bı dep ataıdy.
