Tóle bı aýdanynyń ákimi aýyl turǵyndarynyń aryz-shaǵymdaryn tyńdady
TÓLE BI. QazAqparat – Túrkistan oblysyndaǵy Tóle bı aýdanynyń ákimi ári «Nur Otan» partııasy aýdandyq fılıalynyń tóraǵasy Baýyrjan Omarbekov qoǵamdyq qabyldaý ótkizdi, dep habarlaıdy QazAqparat tilshisi.
Kezdesýge kelgen turǵyndar aýdan basshysyna áleýmettik máseleleri men sheshimin tappaı otyrǵan problemalaryna kómektesýin surandy.
Qoǵamdyq qabyldaýǵa turǵyndar kóshe boıyndaǵy elektr baǵanasynyń eskirgenin jetkizip, aýystyrýdy surandy.
Sonymen qatar qabyldaý barysynda jergilikti halyq áleýmettik kómek týraly, jer máselesi jaıyn sóz etti. Turaqty jumyspen qamtý men baspana problemalaryn qamtydy. Ákimnen úı kezegi kelgenshe ýaqytsha baspana suraǵan turǵyndar da kezdesti. Osy rette aýdan ákimi turǵyndardyń ótinishteri men muń-muqtajdaryn tyńdap, kóterilgen máselelerdiń birqatarynyń sheshiletinin aıtyp ótti.
Keıbir máselelerge qatysty zań turǵysynda qarastyrylatynyn jetkizdi. Jaýapty bólim basshylaryna kóterilgen máseleler boıynsha tapsyrmalar júktep, olardy sheshýdiń joldaryn qarastyrýdy eskertti. Aıta keteıik, mundaı kezdesýler oblystyń ózge aýdan-qlalarynda da uıymdastyrylýda.
