Tóle bı aýdanynda turǵyndar aýyldardyń arasyna óz kúshimen blokposttar ornatyp jatyr

Aýyl azamattary osylaısha qaýipsizdik sharalaryn qolǵa alyp, koronavırýs indetiniń el ishinde taralýyn boldyrmaýǵa atsalysýda, dep habarlaıdy QazAqparat tilshisi.

Sharaǵa aýyl belsendileri men erikti jastar atsalysýda. Jergilikti bılikpen kelise otyryp uıymdastyrylǵan beketterde turǵyndar eldi mekenderge kirip shyǵatyn kólikterdi zalalsyzdandyryp, jolaýshylardyń dene qyzýyn ólsheıdi. Olardyń aty-jónderin jazyp, tizimmen tirkeýge alýda. Sondaı-aq, árbir azamatqa sebepsiz úıden shyqpaýǵa, barlyq jerde jeke bas tazalyǵyn ustanýǵa keńes berip, karantın rejımin qatań saqtaý kerektigin eskertýde.

Aıta keteıik, qazirgi tańda mundaı saqtyq sharalaryn aýdannyń barlyq eldi mekenderi estafeta túrinde jalǵastyrýda.