Tóle bı aýdanynda 60-qa jýyq otbasyǵa áleýmettik kómek kórsetildi
Oblys ákimi Ómirzaq Shókeevtiń bastamasymen qolǵa alynǵan «Qamqorlyq» jobasy Tóle bı aýdanynda da júzege asyrylyp jatyr. Baǵdarlamanyń maqsaty – áleýmettik jaǵdaıy asa tómen, kómekke muqtaj turǵyndarǵa kómektesý. Qazirgi tańda aýdan boıynsha jaǵdaıy tómen 59 otbasynyń tizimi jasaqtalǵan.
Turǵylyqty meken-jaıyna qaraı ár otbasynyń kelisimri boıynsha aýdandyq máslıhat depýtattary, aýyldyq okrýg ákimderi, derbes bólim basshylary, mekeme basshylary jáne kásipkerler óz qamqorlyǵyna alyp, jetekshisi retinde bekitildi.
Olar 59 otbasyǵa qajet jaǵdaıda azyq-túlik, otyn jetkizip, zań aıasynda qujatyn rásimdeýge, zańdastyrýǵa kómek beredi.
Qazirgi tańda aýdanda jalpy 139 otbasyǵa 3 mln teńgege jýyq ártúrli kómek kórsetilip otyr. Atap aıtqanda, ómirlik qıyn jaǵdaıǵa tap bolǵan 59 otbasyǵa kýratorlar kómegimen 1 mıllıonnan asa teńgeniń kómegi kórsetildi. Sondaı-aq aýdandyq etnomádenı birlestikter 8 otbasyǵa 150 myń teńgeniń azyq-túligin taratsa, Jastar resýrstyq ortalyǵy 10 otbasyǵa 150 myń teńgeniń kómegin berdi. Sonymen qatar Halyq banki atynan 2021 jyldyń 1 toqsanyna ataýly áleýmettik kómek alatyn otbasylar ishinen múgedektigi bar balalardyń ár otbasyna 23 554 teńgege azyq-túlik, jalpy 62 otbasyǵa bir jarym mıllıon teńgege jýyq kómek kórsetildi.
