Tolassyz jaýǵan jańbyrdan keıin Izmırdiń birneshe aýdany sý astynda qaldy
Sońǵy birneshe kúnde Izmırde eki ret jer silkinip, sý tasqyny boldy jáne sel túrinde tabıǵı apattar bolyp jatyr. Bul týraly QazAqparat Anadoly agenttigine silteme jasap habarlaıdy.
Izmır qalasynyń gýbernatory ıAvýz Selım Keshgerdiń aıtýynsha, tótenshe jaǵdaılar qyzmeti jumyldyryldy. Olar sý tasqyny men sel saldaryn boldyrmaý úshin jumys isteıdi. Kommýnaldyq qyzmetter men qutqarý toptary sý basqan aımaqtarǵa tartyldy. Sýdy sorǵyzý, jerasty ótkelderin tazartý jáne kirme joldar boıynsha qajetti sharalar qabyldanýda.
«Mundaı kólemdi apat sońǵy ret 1995 jyly bolǵan. Jaýynnyń táýliktik mólsheri ádettegiden birneshe ese asyp túsip, Izmırdi sý basyp ketti. Ókinishke qaraı, bir adam qaza tapty. Onyń máıiti Menderes aýdanyndaǵy Enıkeıden tabyldy. Qazirgi ýaqytta qaza tapqan adamnyń kim ekenin anyqtaý jumystary júrgizilip jatyr. 20 kólik quraly sý astynda qaldy jáne 775 nysandy sý basty», - deıdi ol.
Bılik apattyń betin qaıtarý úshin barlyq sharany qoldanyp jatyr.
