Tolassyz jaýǵan jańbyrdan Aqtaý kóshelerin sý basty
ASTANA. QazAqparat - Búgin túnde Aqtaý qalasynda tótenshe jaǵdaı ornady. Jańbyr saldarynan qala kóshelerin sý basyp, kommýnaldyq qyzmet kúsheıtilgen rejımdegi jumysqa aýysty, dep habarlaıdy QazAqparat.
Іshki ister mınıstrligi Tótenshe jaǵdaılar komıtetiniń baspasóz hatshysy Rýslan Imanqulovtyń habarlaýynsha, tolassyz jaýǵan jańbyr saldarynan qalanyń 5 kóshesin sý basqan.
«Aqtaý qalasynda jáne Munaıly aýdanynda jańbyr saldarynan 7 ýchastokty jáne 5 kósheni sý basty. Jańbyrdyń sýyn aǵyzý úshin Tótenshe jaǵdaılar departamentiniń 11 qyzmetkeri, 2 tehnıka, sondaı-aq, qalalyq ákimdiktiń 30 qyzmetkeri men 9 kóligi jáne 13 sý sorǵysh tehnıkasy jumyldyrylǵan», - dep habarlady QazAqparat tilshisine Rýslan Imanqulov.
Jalpy, onyń aıtýynsha, bul jaǵdaı birinshi jyl qaıtalanyp otyrǵan joq.
«Negizgi sebep - jańbyr. Al, kóshelerde sý aǵyzatyn aryqtardyń joqtyǵy, aryq júıesiniń aqaýy jaǵdaıdy ýshyqtyryp jiberdi. Bul júıelerdi retke keltirý tikeleı ákimdiktiń moınynda», - deıdi Imanqulov.
Al, aımaqtyq BAQ-tardyń habarlaýynsha, túnnen beri Aqtaýdyń kommýnaldyq qyzmeti kúsheıtilgen rejımde jumys istep jatyr. «Qala joldary» JShS aldaǵy eki kún boıy demalyssyz jumys isteıtini habarlanǵan. Búgin túnde kóshedegi sýdy sorǵyzý úshin bes kólik, tańǵy saǵat 05.00-de taǵy eki kólik tartylǵan.
Polıtseıskıe Mangıstaý prosıat vodıteleı byt predelno vnımatelnymı na doroge. __ Kommentarııý bez laıka 2000 tg na balans🤗
