Tolassyz jaýǵan jańbyr 70 adamnyń ómirin qıdy - OAR
NUR-SULTAN. QazAqparat - Ońtústik Afrıka Respýblıkasynyń shyǵysyndaǵy Kvazýlý-Natal provıntsııasynda tolassyz jaýǵan jańbyr saldarynan qaza tapqandar sany 70-ke jetti, dep habarlaıdy SABC News telearnasy jergilikti bılikke silteme jasap.
Budan buryn 51 adamnyń mert bolǵany habarlanǵan edi.
Provıntsııa basshysy Sıhle Zıkalala qurbandar sany 70-ke jetkenin rastady. Taǵy myńdaǵan adam óz úılerin tastap ketýge májbúr bolǵan.
Provıntsııada úıindiler suryptalyp jatyr, qutqarý jumystary júrgizilýde. OAR-dyń shyǵysynda qatty jaýyn-shashynnan joldardy sý basyp, ınfraqurylymdar zaqymdaldy jáne úıler qırady.
