Tolassyz qar, burqasyn, tuman: 10 aqpanǵa arnalǵan aýa raıy boljamy

ASTANA. QazAqparat - Qazgıdromet mamandary 10 aqpan, juma kúni aýa raıy qandaı bolatynyn boljady, dep habarlaıdy QazAqparat.

Atmosferalyq protsesterdiń shıelenisýine jáne fronttardyń el aımaǵynda júrip ótýine baılanysty Qazaqstannyń basym bóliginde aýa raıynyń turaqsyz sıpaty saqtalady.

Qar jaýyp, jaıaý burqasyn soǵady.

Ońtústikte, shyǵysta keı ýaqytta qatty qar jaýady.

Eldiń ońtústik-shyǵysynda keıde jańbyr, keı jerlerde qar túrinde qatty jaýyn-shashyn jaýady.

Tek Qazaqstannyń batysynda ǵana jaýyn-shashynsyz aýa raıy kútiledi.

Respýblıka boıynsha jel kúsheıip, tuman túsedi, ońtústik-shyǵysta kóktaıǵaq bolady.