Tolassyz jaýyn, burshaq pen aptap ystyq Qazaqstannyń barlyq óńirine tónip tur

ASTANA. KAZINFORM —  «Qazgıdromet» RMK aldaǵy kúnderge arnalǵan aýa raıy boljamyn jarııalady. 

— Aldaǵy kúnderi Qazaqstan aýmaǵyndaǵy sınoptıkalyq jaǵdaıdy tsıklon aıqyndaıdy. Onymen birge ótkinshi bultty, ashyq aýa raıy, jańbyr men naızaǵaı kútiledi. Soltústik-batysta, soltústikte jáne respýblıkanyń ortalyǵynda qatty jańbyr, burshaq jáne daýyldy jel boljanady. Respýblıka boıynsha jeldiń kúsheıýi kútiledi, ońtústikte — shańdy daýyl bolýy múmkin, — delingen habarlamada.

Aýa temperatýrasynyń jalpy fonynda aıtarlyqtaı ózgerister kútilmeıdi. Shyǵysta jáne ońtústik-shyǵysta óte qatty aptap ystyq — 42°S deıin saqtalady.

Aıta keteıik, jalpy shilde aıynda Qazaqstanda aýa raıy kúrt qubylatynyn jazǵan edik. Keı óńirde burshaq, keı óńirde 42 gradýsqa deıin aptap ystyq bolatynyn boljanǵan.