Tolassyz jaýǵan jańbyr: Qytaıdyń Hantszıan ózeninde bıyl ekinshi ret sý tasydy

ASTANA. KAZINFORM — Qytaıdyń sý resýrstary mınıstrligi ıAntszy ózeniniń negizgi salasy Hantszıan ózeni tolassyz jaýǵan jańbyrdyń saldarynan bıyl ekinshi ret sý tasqynyna ushyrady dep habarlady. Bul týraly Sınhýa agenttigi jazdy.

Vedomstvonyń málimetinshe, ózenniń joǵarǵy jáne orta aǵysynda ornalasqan Dantszıankoý sý qoımasyna quıylatyn sý sekýndyna 15 myń tekshe metrge jetken.

Hantszıan ózeniniń joǵarǵy aǵysynda sý deńgeıiniń úzdiksiz, turaqty kóterilýi kútilip otyr. Meteorologııalyq boljamdar aldaǵy 10 kúnde ózen basseıninde jaýyn-shashynnyń eki mańyzdy kezeńin boljaıdy.

Sońǵy kúnderi Sý resýrstary mınıstrligi jaǵdaıdy jiti qadaǵalap otyr. 

Aıta keteıik, buǵan deıin Túrkııanyń óńirleri eki birdeı tabıǵı apatpen bir ýaqytta kúresip jatqanyn jazǵan edik.