Tól tarıhyn biletin halyqtyń bolashaǵy zor - Saltanat Aqseleýqyzy

ASTANA. QazAqparat - Memleket basshysy rýhanı máselelerdi kótergen atalmysh maqalasynyń mazmuny óte mańyzdy. Elbasy tarıhqa tereń úńilip, qazaq halqynyń álemdik órkenıettiń damýyna qosqan úlesi zor ekendigin naqty dáleldermen keltirip otyr. Bul týraly «Atameken» Qazaqstan kartasy» etno-memorıaldyq kesheni» MKQK dırektory Saltanat Aqseleýqyzy aıtty, dep habarlaıdy QazAqparat.

«Prezıdent Uly dalanyń jeti qyryn: Atqa miný mádenıeti, Uly daladaǵy ejelgi metallýrgııa,  Ań stıli, Altyn adam, Túrki áleminiń besigi,  Uly jibek joly, Qazaqstan - Alma men qyzǵaldaqtyń otany dep kórsetedi. bul - halyq kókeıinde júrgen talaı-talaı dúnıelerdi dóp basyp aıtqan, tarıhı týyndy.  Barlyq túrki halyqtarynyń altyn besigi bolǵan kıeli Qazaqstannyń jańa kezeńge saı damýy asa mańyzdy ekeni daýsyz. Bilim men ǵylymdy damytý arqyly biz kemel bolashaqqa qaraı nyq qadamdar jasaı alamyz», - deıdi Saltanat  Aqseleýqyzy.

Onyń aıtýynsha, kúlli túrki tildes el Qazaqstandy «qara shańyraǵy» retinde tanyp, sol týystyq qarym-qatynasty damytý jáne mádenı muramyzdy saqtap qalý úshin Elbasy birneshe iri jobalardy usyndy. Ony júzege asyrýdyń joldary da kóregendilikpen kórsetilgen.  Olardyń ishinde rýhanı astana - Túrkistan men ejelgi Otyrar tarıhyn qaıta jańǵyrtý, túrki halyqtarynyń mádenı kúnderin uıymdastyrý sııaqty tyń bastamalar bar. Tarıhymyzdy túgendeýge qajetti dúnıelerdi tanýǵa, tabýǵa, túbegeıli zertteýge meılinshe mán beriledi. 

«Maqalada kórsetilgendeı, ultymyzdyń bolmysyna, dástúrine, dili men tiline, tarıhtaǵy tulǵalarymyzdyń júrip ótken jolyna qatysty boljam emes naqty derekter tabýǵa jol ashylatyny kóńil qýantady. Sondaı-aq, batyr, qaharman, aqyn-jazýshy tulǵalarymyz týraly tarıhı kınolardyń túsiriletini de oryndy. «Tól tarıhyn biletin, baǵalaıtyn jáne maqtan etetin halyqtyń bolashaǵy zor bolady dep senemin. Ótkenin maqtan tutyp, búginin naqty baǵalaı bilý jáne bolashaqqa oń kózqaras tanytý - elimizdiń tabysty bolýynyń kepili degenimiz osy» dedi Elbasy Nursultan  Ábishuly Nazarbaev.   Iá, tarıhty bilý - urpaq aldyndaǵy paryzymyz, ol erteńimiz úshin asa qajet. Bul bastama «Rýhanı jańǵyrý» baǵdarlamasynyń jalǵasy retinde qaralady. «Rýhanı jańǵyrý» jalpyulttyq baǵdarlamasynyń jańa komponentteri ata-babalarymyzdyń kóp ǵasyrlyq murasynyń tsıfrlyq órkenıet jaǵdaıynda túsinikti ári suranysqa ıe bolýyn qamtamasyz etedi jáne ony jańǵyrtýǵa múmkindik beredi.  El basynyń maqalasy dál kezinde ýaqytpen úndesip, ulttyq rýhty oıatyp, tarıhymyzdy álemdi sharlap, túgendegeli otyr», - dep atap ótti ortalyq dırektory.

Saltanat  Aqseleýqyzynyń pikirinshe, elimizde ejelgi mádenıetimizdi kórsetetin murajaılar ashylady. Al eski Otyrar qalasy qalpyna keltirilip, týrısterdiń qyzyǵatyn ornyna aınalmaq.

«Memleket basshysy «Uly dalanyń jeti qyry» atty maqalasymen tól tarıhymyzdy bir júıege keltirýge úndeıdi. ıAǵnı, qur tarıhı derekter emes, jalpaq jurt túsinetin mádenı dúnıege aınaldyrý máselesin qozǵaıdy. Qazaq halqynyń ómir súrý daǵdysy, turmysy, salt-dástúri jaıly bilý, sony saqtap keıingige úıretý urpaqtarynyń paryzy. Ashqan jańalyqtaryn, jetken jetistikterin keıingige amanattap ketedi. Sol amanatty Elbasymyz túrki áleminiń besigi Táýelsiz Qazaqstannyń jastaryna «Jastar jylyn» jarııalaı otyryp, shyqqan tekterimen tanystyrǵan maqala joldap otyr. Bizdiń álemdegi eshbir ulttan kem emes ekendigimizdi dáleldeıdi. «Qazaqstandyqtar óziniń uly tarıhymen maqtanýy kerek», - deıdi ol.