Toqyma fabrıkasynyń órtenýinen 7 adam qaza tapty
ASTANA. 2 jeltoqsan. QazAqparat - Italııada toqyma fabrıkasy órtenip, 7 jumysshy kóz jumyp, taǵy 4 kisi aýrýhanaǵa jetkizildi, dep jazady 24.kz.
Oqıǵa Prato qalasynda bolǵan. Órt fabrıka jumysshylaryna arnalǵan jataqhanadan shyqqan. Ol kezde ǵımarat ishinde 11 adam bolǵan. Otqa oranǵan fabrıka Qytaı kásipkerlerine tıesili. Jergilikti bılik ókilderi Italııanyń soltústik jáne ortalyq bóliginde zańsyz jumys kúshiniń asa kóp shoǵyrlanǵanyn aıtyp otyr. Degenmen órtten qaı el azamattary kóz jumǵandyǵy belgisiz.
