Toqtaý salynǵan aktıvter el ekonomıkasyna qaıta salynady

ASTANA. QazAqparat – Memleket basshysy «toqtaý salynǵan» aktıvterdi satyp alýǵa jáne olardy ekonomıkaǵa qaıtarýǵa múmkindik alatyn ashyq tsıfrlyq platforma qurýdy tapsyrdy, dep habarlaıdy QazAqparat tilshisi.

«Bankterdi korporatıvtik nesıelendirýge belsendi qatysýǵa, kásipkerlerge kómektesýge yntalandyrý qajet. Bıznesti nesıelendirý banktik qyzmettiń basqa túrlerimen salystyrǵanda tıimdirek prýdentsıaldyq jáne fıskaldyq retteýge ıe bolýy kerek. Túsinemin, jaı másele emes», - dedi Qasym-Jomart Toqaev Qazaqstan halqyna Joldaý jarııalaý barysynda.

Osy oraıda, Memleket basshysy Úkimet pen qarjy retteýshilerine atalǵan másele boıynsha túpkilikti pikirlerin usynýdy tapsyrdy.

«Bankterdiń jalpy somasy 2,3 trıllıon teńge «toqtaý salynǵan» aktıvterin ekonomıkalyq aınalymǵa tartý jóninde sharalar qabyldaý qajet. Osyǵan baılanysty múddeli bıznes osy aktıvterdi satyp alýǵa jáne olardy ekonomıkaǵa qaıtarýǵa múmkindik alatyn ashyq tsıfrlyq platforma qurýdy tapsyramyn», - deıdi Prezıdent.