Toqtarbek Aıdarbek sýrdo dzıýdodan álem chempıony atandy
TÚRKІSTAN. KAZINFORM — Qazaqstandyq sportshy Toqtarbek Aıdarbek Túrkistanda sýrdo dzıýdodan ótip jatqan álem chempıonatynda jeńimpaz atandy.
Qazaqstan dzıýdo federatsııasynan málim etkenindeı, 100 kelige deıingi salmaq dárejesinde beldesken Toqtarbek fınalda ońtústikkoreıalyq Djýngmý ıAngty ýaqytynan buryn ıppon ádisimen utty.
Jartylaı fınalda otandasymyz japonııalyq Tomoko Takahashıden basym túsken bolatyn.
Jarystyń ekinshi kúninde Qazaqstan qorjyny 1 altyn, 3 kúmis jáne 3 qola júldemen tolyqty. Erler arasynda Aıdos Túgelbaev (-90 kg) kúmispen kúptelse, áıelder arasynda Anna Kramorova (-78 kg) men Ekaterına Chebysheva (+78 kg) kúmis júldege ıe boldy. Al Anastasııa Tımoshenkova (-70 kg), Erkebulan Qanafın (-81 kg) jáne Sabyrjan Hapızov (+100 kg) el qorjynyna úsh qola júldeni syılady.
Aıta keterligi, sýrdo dzıýdoshylar álem chempıonatynyń alǵashqy kúninde 2 altyn, 3 kúmis jáne 1 qola medal jeńip alǵan bolatyn. Osylaısha, Qazaqstan sýrdo dzıýdo quramasy álem chemıonatynyń jekeleı jarysyn 3 altyn, 6 kúmis jáne 4 qola júldemen jalpykomandalyq medaldar kestesinde ІІ orynmen aıaqtady.
Álem birinshiligine 24 elden 300-ge jýyq sportshy qatysyp jatyr. Jarystyń sońǵy kúnine komandalyq chempıonat josparlanǵan.