Toqtar Tóleshovtiń sybaılastary qandaı jaza aldy
ASTANA. QazAqparat - Astana qalalyq qylmystyq ister jónindegi mamandandyrylǵan aýdanaralyq əskerı soty memleketti kúshpen basyp alýǵa əreket etti degen aıyp taǵylǵan Toqtar Tóleshovtiń bılikten tapqan sybaılastaryn 3 jyldan 7 jyl aralyǵynda bas bostandyǵynan aıyrdy, dep habarlaıdy QazAqparat tilshisi sot zalynan.
Toqtar Tóleshov "bılikke kelgende Joǵarǵy Sottyń laýazymyn alyp beremin" dep ýáde etken Ilıas Baqtybaev (QR Bas prokýrorynyń birinshi orynbasary qyzmetin atqarǵan - agenttik) qatań rejımdegi kolonııada 7 jyl otyratyn boldy. Al, Іshki ister mınıstri qyzmetinen dəmelengen Hıbratýlla Dosqalıevti (OQO Іshki ister departamentiniń basshysy qyzmetin atqarǵan) sot múlkin tərkileı otyryp, bes jylǵa sottady.
Al, bul əreketteri úshin syıaqy ala otyryp, zańsyz jolmen Toqtar Tóleshovke, əskerı tehnıka, əskerı ushaq, tipti qarý-jaraǵy saılanǵan əskerılerdi jetkizip bergen eki əskerı bólimniń komandırleri 3 jáne 4 jylǵa bas bostandyǵynan aıyryldy.
"55652 əskerı bóliminiń burynǵy komandıri Qaırat Pernebaevty múlkin tərkileı otyryp, 3 jylǵa bas bostandyǵynan aıyrý týraly úkim shyǵarylsyn. Ol sondaı-aq, əskerı ataǵynan aıyrylsyn. 35748 əskerı bóliminiń komandıri Bekzat Jýmındi 4 jylǵa bas bostandyǵynan aıyrý týraly úkim shyǵarylsyn", - dedi sýdıa Erbol Ahmetjanov.
Esterińizge sala keteıik, atyshýly Toqtar Tóleshovtiń isine búgin Astana qalalyq qylmystyq ister jónindegi mamandandyrylǵan aýdanaralyq áskerı soty núkte qoıyp, memlekettik bılikti kúshpen basyp alýǵa tyrysty degen ony 21 jylǵa bas bostandyǵynan aıyrdy. Toqtar Tóleshovtiń uly Tólegen Tóleshov shartty túrde bes jylǵa sottaldy.
