Toqtar Tóleshov isiniń eki fıgýrantyna úkim oqyldy
ShYMKENT. QazAqparat - Shymkent qalasynyń Eńbekshi aýdandyq soty «syra koroliniń» burynǵy sybaılastaryna úkim shyǵardy. Memlekettik kirister basqarmasynyń burynǵy qyzmetkeri 35 jastaǵy Madııar Musaev 3 jylǵa bas bostandyǵynan aıyryldy, al syra zaýytynyń burynǵy bas esepshisi Svetlana Lýkınaǵa 4 jylǵa bas bostandyǵynan aıyrý jazasy belgilendi, dep habarlaıdy «QazAqparat» HAA tilshisi Eńbekshi aýdandyq sotynyń BAQ-pen jumys jónindegi úılestirýshi sýdıasy Svetlana Shynalıevaǵa silteme jasap.
Eske sala keteıik, Tóleshovtiń qolastynda jumys istegen taǵy da eki qyzmetker - Olga Allakýlıeva men Alekseı Noskov prokýrormen óz aıyptaryn moıyndaı otyryp protsessýaldyq kelisim jasasqan ári qylmysty ashýǵa járdemdesken bolatyn. Olardyń isi basqa óndiriske alynǵan, olarǵa qatysty úkim jýyq kúnderde shyǵady.
