Toqtar Áýbákirov sýǵa batyp bara jatqan balany qutqaryp qaldy

ORAL. KAZINFORM - Oral qalasy tótenshe jaǵdaılar basqarmasynyń bas mamany, azamattyq qorǵaý kapıtany Toqtar Áýbákirov sýǵa batyp bara jatqan bes jasar balany qutqaryp qaldy.

BQO TJ departamentiniń baspasóz qyzmetinen málim etkenindeı, oqıǵa 31 mamyr kúni saǵat 17.00 shamasynda «Aqjol» demalys ortalyǵynda boldy.

Qyzmetten tys, senbi kúni otbasymen demalys ornynda bolǵan Toqtar Áýbákirov ata-anasynyń qaraýynsyz qalǵan balanyń sýǵa tunshyǵyp, batyp bara jatqanyn kórip, jedel áreket etken.

— Sonyń nátıjesinde 2019 jylǵy búldirshin aman qaldy. Departament bastyǵynyń mindetin ýaqytsha atqarýshy Janbolat Janshın T.Áýbákirovti alǵys hatpen marapattap, estelik syılyq tabys etti, — dep habarlady vedomstvodan.

Eske sala keteıik, budan buryn Batys Qazaqstanda jańadan bes jaǵajaı ashý kózdelip otyrǵanyn jazǵan bolatynbyz.