Toqtar Áýbákirov - «Qazaqstan temir joly» kompanııasy prezıdentiniń keńesshisi

ASTANA. 14 mamyr. QazAqparat - QTJ prezıdentiniń keńesshisi bolyp Toqtar Áýbákirov taǵaıyndaldy, dep habarlaıdy «QTJ» UK» AQ baspasóz qyzmeti.

Toqtar Áýbákirov - qazaqtyń tuńǵysh ǵaryshkeri. 1965 jyly áýe shabýylyna qarsy qorǵanystyń Armavır joǵary ushqyshtar avıatsııalyq ýchılışesine oqýǵa túsedi. Sodan keıin M.Gromov atyndaǵy synaýshy ushqyshtardyń Joǵary mektebin jáne Sergo Ordjonıkıdze atyndaǵy Máskeý avıatsııalyq ınstıtýtyn bitiredi.

Konstrýktorlyq bıýroda, QR aeroǵaryshtyq Ulttyq agenttiginde mol tájirıbe jınaqtaǵan. Tehnıka ǵylymdarynyń doktory. Keńes Odaǵynyń Batyry, Halyq Qaharmany. Parlament Májilisiniń depýtaty bolyp saılanǵan.