Toqtap qalǵan Rıdder jylý qazandyǵy qaıta iske qosyldy

Rıdderdegi jylý qazandyǵynda apat bolyp, ol ýaqytsha qyzmetin toqtatty. Júrgizilgen jumystar nátıjesinde, qazirgi sátte, jylý tolyq emes qýatynda berilgen, dep habarlaıdy Kazinform qalalyq ákimdiktiń baspasóz qyzmetine silteme jasap. 

"10 jeltoqsanda BShM 2-niń kabeli úzilip qaldy. Sonyń kesirinen qysqa tuıyqtalýdan qorǵaý júıesi jumys istep ketip, ol jeke qajettilikterdi bólgish qurylǵynyń (KRÝSN) 2 sektsııasyn toqsyzdandyrýǵa alyp kelgen 6 kV sektsııalyq óshirgishin iske qosty. Osynyń saldarynan jylý qazandyǵynyń jumysy toqtap qaldy. 
19:00-de jylý qazandyǵy qaıta iske qosyldy. 20:00-de jylý temperatýrasy 73 gradýsty kórsetip turdy. 23:00-de jylý temperatýrasyn qalypty kórsetkishke deıin jetkizý josparlanǵan" delingen habarlamada.