Toqsanǵa kelgen aqsaqal mektep partasyna otyrdy
ASTANA. QazAqparat - Saýd Arabııasynyń jasy toqsanǵa kelgen turǵyny mektep partasyna otyrdy, dep jazady islam.kz. Tórinen kóri jaqyn aqsaqal mundaı qadamǵa eldegi saýatsyzdyqty joıý naýqanyna atsalysý úshin barǵanyn aıtyp otyr. Qarııa Tabýk provıntsııasyna qarasty Taıma aımaǵyndaǵy ál-Jahra ortalyǵyndaǵy eresekterge arnalǵan synypqa baryp júr.
Esterińizge sala ketsek, Saýd Arabııasynyń bilim berý mınıstrligi osy jyldyń bas kezinde eldegi saýatsyzdyq deńgeıiniń sońǵy on jyldyń ishinde 61 paıyzǵa kemigenin málimdegen bolatyn.
Búgingi tańda Saýd Arabııasynda hat tanymaıtyn erlerdiń qarasy 4 paıyzdy qurap otyr. Al áıelder arasynda bul kórsetkish 10 paıyzdy quraıdy eken.
