Tokıonyń Narıta áýejaıynda eki ushaq soqtyǵysyp qaldy
ASTANA. QazAqparat - Tokıonyń halyqaralyq Narıta áýejaıynda eki ushaq soqtyǵysty. Zardap shekkender joq.
NHK telearnasynyń derekterine sáıkes, All Nippon Airways avıakompanııasynyń Boeing 767 júk ushaǵy ushý-qoný jolaǵynda Jet Star kompanııasynyń Airbus A320 jolaýshylar ushaǵynyń qanatyn soǵyp ótken, oqıǵa kezinde laınerde jolaýshylar bolmaǵan. Soqtyǵysý saldarynan Airbus A320 ushaǵynyń sol qanaty zaqymdandy.
Telearna oqıǵa 11 jeltoqsanda bolǵanyn atap ótedi, alaıda ol jaıly bir apta ótkennen keıin ǵana belgili boldy. Aqparattyń ýaqtyly BAQ-ta jarııalanbaý sebepteri ázirge belgisiz.
