Tokıolyqtar qala basshysyna senimsizdik bildirdi
ASTANA. QazAqparat - Japonııada el bıligindegi basqarýshy lıberaldyq-demokratııalyq partııa Tokıo gýbernatory Eıtı Masýdzoege senimsizdik bildiretini týraly qarardy qoldaýy múmkin, dep habarlady TASS.
Jobany qazirgi ýaqytta qalalyq zań shyǵarýshy keńestiń birqatar múshesi usynyp otyr. Bul týraly jeksenbide japonııalyq telearnada LDP ardageri, eldiń burynǵy Bilim mınıstri Hakýbýn Sımomýra bildirdi.
Aıta keteıik, Tokıo gýbernatory saıası qoryndaǵy qarajatty birneshe ret jeke qajetine jaratqany úshin synǵa qalǵan. Buǵan deıin Masýdzoeniń ózi qonaqúıler men meıramhanalardaǵy keshki asqa 455 myń ıen (4,1 myń dollarǵa jýyq) jumsaǵanyn moıyndaǵan bolatyn. Biraq onyń bári ol 2014 jylǵy aqpanǵa deıin, ıaǵnı qala basshylyǵyna kelgenge deıin bolǵanyn moıyndaǵan bolatyn. Ol bul qarajatty qaıtarýǵa ýáde berip otyr. Osyǵan baılanysty, bul janjalǵa bola óz qyzmetinen ketkisi kelmeıtinin de málimdedi.
Sonymen qatar, ony aıyptaýshylar astanadan 10 shaqyrym jerdegi ıÝgavarada ornalasqan úıine jıi qatynaýyna da qarsy shyqty. Qala turǵyndary atynan málimdeme jasaýshylar ol úıine baryp kelýge qyzmettik kóligin paıdalanady dep syn taqty.
67 jastaǵy Eıtı Masýdzoe - Japonııada belgili saıasatker, halyqaralyq qatynastar mamany.
