Tokıoǵa tikeleı reıs qashan ashylatyndyǵy belgili boldy
NUR-SULTAN. QazAqparat - QR IIDM Azamattyq avıatsııa komıteti «Eır Astanany» Nur-Sultan - Tokıo - Nur-Sultan baǵytyndaǵy reısterdi oryndaýshy áýe kompanııasy retinde bekitti. Bul jaıynda aqparat atalǵan komıtettiń Feısbýktegi resmı paraqshasynda jarııalandy, dep habarlaıdy QazAqparat.
«Qazaqstan Respýblıkasy Tuńǵysh Prezıdentiniń 2019 jyldyń 30 qańtaryndaǵy QR Úkimetiniń keńeıtilgen otyrysynda bergen tapsyrmasyna sáıkes, QR IIDM Azamattyq avıatsııa komıteti «Eır Astana» áýe kompanııasyn Nur-Sultan - Tokıo - Nur-Sultan baǵytyndaǵy turaqty reısterdi oryndaý úshin Qazaqstan Respýblıkasynyń áýe tasymaldaýshysy retinde bekitti», - delingen taratylǵan aqparatta.
Aıta keterligi, Qazaqstan men Japonııa aralyǵyndaǵy tikeleı reısterdi ashýdyń quqyqtyq negizi 2016 jyldyń qarasha aıynda qalyptasqan bolatyn. Oǵan sáıkes, Qazaqstan men Japonııa áýe kompanııalarynyń ár taraptan aptasyna 14 reıske deıin oryndaý múmkindigi bar.
«2019 jyldyń ekinshi jartysynda «Eır Astana» áýe kompanııasy Tokıoǵa tikeleı reıster ashýdy josparlap otyr. Ushý jıiligi aptasyna 2 reıs Boeing 767 ushaǵymen oryndalady», - dedi komıtetten.
