Tokıodaǵy jazǵy Olımpıada oıyndaryna shetelden kórermen kirgizilmeıdi

BEIJІŃ. QazAqparat – Japonııa bıligi Tokıo qalasyndaǵy jazǵy Olımpıada oıyndaryn sheteldik kórermensiz ótkizý sheshimin qabyldady, dep habarlaıdy «QazAqparat» HAA tilshisi Japonııanyń Kyodo News aqparat agenttigine silteme jasap.

Agenttik málimeti boıynsha, Tokıoda 2021 jyldyń jazynda ótetin Olımpıada jáne Paralımpıada oıyndaryna shet memleketterden kórermen kirgizilmeıdi. Japonııa bıligi bul sheshimdi koronavırýstyń taralý qaýpine baılanysty qabyldap otyr.

«Úkimet japon qoǵamynyń alańdaýshylyǵy men kóptegen elderde indettiń budan da juqpaly nusqalarynyń anyqtalý faktisin esepke ala otyryp, shetelden jankúıerlerdi qabyldaý múmkin emes dep sheshti», - dep jazady agenttik.

Eske sala ketsek, Tokıoda jazǵy Olımpıada oıyndary 23 shilde men 8 tamyz aralyǵynda, al Paralımpıada oıyndary 24 tamyz ben 5 qyrkúıek aralyǵynda ótedi.