Tokıodaǵy taksı júrgizýshilerine maska taqpaǵan jolaýshylardy mingizbeýge ruqsat etildi
TOKIO. KYODO NEWS - QazAqparat – Japonııa kólik mınıstrligi sársenbi kúni Tokıodaǵy taksı júrgizýshilerine maska taqpaǵan jolaýshylardy kóligine mingizbeýge ruqsat berdi, dep habarlaıdy QazAqparat KYODO NEWS agenttigine silteme jasap.
Jańa Koronavırýstyń tarap ketpeýi úshin bul dáleldi sebep dep esepteldi.
Tokıonyń taksı parkteri mınıstrlikten erejeniń bir bóligine ózgeris engizýdi surady. Sebebi keıbir mas jolaýshylar maska taqpaıdy ári daýdyrlap sóılep mazany alady. Sondaı-aq taksı júrgizýshileriniń vırýsty juqtyrý alý qaýpin joǵarylatady.
Mınıstrliktegilerdiń málimdeýinshe, ereje júrgizýshiler ǵana emes, taksıge minetin ózge jolaýshylardyń qaýipsizdigi úshin de qabyldandy.
Sársenbi kúni Tokıoda 122 vırýs juqtyrý oqıǵasy tirkelip, astanadaǵy jalpy ınfektsııaǵa shaldyqqandar sany 31 624-ke jetti. Bul Japonııanyń 47 prefektýrasynyń ishindegi eń joǵary kórsetkish.
