Tokıodaǵy Paralımpıada bıletterine suranys rekordtyq - 3,1 mln-ǵa jetti

NUR-SULTAN. QazAqparat - Tokıodaǵy Paralımpıada oıyndary-2020 sharasynyń bıletterine degen suranys 3,1 mln-ǵa jetip, rekordtyq kórsetkish ornatty. Bul týraly Associated Press agenttigine Halyqaralyq paralımpıada komıtetiniń (HPK) basshysy Endrıý Parsons habarlaǵan.

HPK basshysynyń aıtýynsha, bıletterdiń sany – 2,3 mln.

«Qyzyǵýshylyqtyń baryna biz qýanyshtymyz, - dedi Parsons. – Paralımpıada sportshylary adamǵa lyq toly stadıonda jarysatyn bolady».

Birinshi lotereıada 600 myń bılet oınatyldy. Kelesi utysty ótkizý 2020 jyldyń basyna qaraı josparlanyp otyr. Olımpıada bıletterine degen suranys deńgeıi keıinirek jarııalanady. Uıymdastyrýshylardyń pikirinshe, ol atalǵan usynystan 10 ese kóp bolmaq.

Sondaı-aq, 6 qyrkúıektegi Paralımpıada marafony Tokıoda ótedi. Olımpıada oıyndary sol ýaqyttaǵy aptap ystyqqa baılanysty Japonııanyń soltústigine - Sapporoǵa aýystyrylatyndyǵy buǵan deıin belgili bolǵan edi.

Eske sala keteıik, Paralımpıada oıyndary 2020 jyldyń 25 tamyzy men 6 qyrkúıegi aralyǵynda ótedi.