Tokıodaǵy bássaýdada kógildir týnets $37,5 myń dollarǵa satyldy
ASTANA. QazAqparat - Tokıodaǵy belgili Tsýkıdzı balyq naryǵynda jańa jyldaǵy alǵashqy bássaýda ótti. Jergilikti restoratorlar eń iri, sapaly skýmbrııa tuqymdas balyqty satyp alýǵa básekelesti.
Basty lot - Aomorı prefektýrasy jaǵalaýynda Tynyq muhıtynan aýlanǵan 180 kelilik kógildir týnets básssaýdada 4,5 mln ıenge (37,5 myń dollar) satyldy.
Ótken jylǵydaı ony tokıolyq iri Kiyomura sýsı-meıramhanalar jelisiniń ıesi Kıesı Kımýra satyp aldy.
Eske sala ketsek, burnaǵy jyly 222 kelilik kógildir týnets 155,4 mln ıenge (sol kezdegi baǵam boıynsha 1,49 mln dollar) satylǵan bolatyn.
Japonııada jyl saıyn álemdegi eń iri balyq naryqtarynyń biri sanalatyn Tsýkıdzıde týnetsti jetkizý jaǵy qıyndaı túsýde. Aýlaýǵa beriletin halyqaralyq kvota qysqardy, sonymen birge Azııa óńiriniń basqa elderinde, ásirese Qytaıda oǵan degen suranys artýda.
