Tokıodaǵy aptap ystyq 14 adamnyń ómirin qıyp ketti

TOKIO. QazAqparat – Tokıoda 11-12 tamyzda kún ótip, kem degende 14 adam kóz jumdy, dep habarlaıdy QazAqparat NHK telearnasyna silteme jasap.

Tokıodaǵy aptap ystyq 14 adamnyń ómirin qıyp ketti

Qaza tapqandardyń toǵyzy 80 jastan asqan egde jandar. Tamyz aıynyń ishinde aptap ystyqtan japon astanasynyń 26 turǵyny mert boldy.

13 tamyzda TJM fýnktsııalaryn oryndaıtyn Japonııanyń Bas órt sóndirý basqarmasy 3 tamyzdan bastap 9 tamyzǵa deıingi aralyqta aptap ystyq saldarynan on adamnyń mert bolǵanyn jáne 6,6 myń adamnyń zardap shekkenin habarlaǵan bolatyn.

Bıylǵy jazǵy maýsymda osy apta asa ystyq boldy. Keıbir aýdandarda termometr baǵany 38 gradýstan asyp jyǵyldy. Al ortalyq Gýmma prefektýrasynda 11 tamyz kúni aýa 40,1 gradýsqa deıin qyzdy.

Aıta keter jaıt, Japonııada ádette eń ystyq kezeń shilde – maýsym aılaryna týra keletin. Degenmen sońǵy eki jyl qatarynan shildede bultty ári jańbyrly kúnder kóp boldy.

Al ótken jyly búkil el aýmaǵynda aptap ystyqtan 126 adam qaıtys bolyp, 70 myńnan astamy zardap shekken edi.