Tokıodaǵy 2020-Olımpıadasyna bosqyndar quramasy qatysýy múmkin

Reseıdiń Olımpıada komıtetindegi derekkóz habarlaǵandaı, Halyqaralyq olımpıada komıteti bul múmkindikti qaraýda.

«Bosqyndarǵa kómek kórsetý jumystary jalǵasýda, - dep keltiredi "Interfaks" agenttigi Reseı Olımpıada komıteti baspasóz qyzmetiniń habarlamasyn. - Ásirese, Halyqaralyq olımpıada komıteti 2020 jyly Tokıoda ótetin Olımpıada oıyndaryna bosqyndar komandasynyń qatysý múmkindigin talqylaýda». Bosqyndarǵa arnalǵan HOK qoldaý baǵdarlamasy týraly Katar men Lıhenshteınniń olımpıada qurylymy jarııalady.

Bosqyn-sportshylardan quralǵan qurama alǵash ret 2016 jyly Brazılııanyń Rıo-de-Janeıro qalasynda ótken jazǵy Olımpıada oıyndaryna qatysqan edi. Komanda quramynda ol kezde on sportshy boldy, olar sporttyń úsh túri boıynsha baq synady.