Tokıoda jańbyr 34 kún qatarynan jaýdy
ASTANA. KAZINFORM – Tokıonyń ortalyq bóliginde jańbyr 34 kún qatarynan jaýdy. Bul – meteorologııalyq baqylaý tarıhyndaǵy eń uzaq jaýyn-shashyn kezeńi, dep habarlaıdy Kyodo.
Japonııanyń meteorologııalyq agenttiginiń málimetinshe, Tokıodaǵy jaýyn-shashyn 27 tamyzdan beri tolastamaǵan. Buǵan aımaqqa jaqyndaǵan taıfýn, sozylmaly kúzgi jańbyrly aǵym jáne tómen qysymdy aımaq áser etken.
2019 jyly jańbyr 33 kún qatarynan jaýyp, eń uzaq jaýyn-shashyn kezeńi retinde tirkelgen edi.
Seısenbi kúni Japonııanyń shyǵysy men batysynda da nóser jańbyr jaýdy.
Boljam boıynsha, kúzgi jańbyrly aǵymnyń yqpaly saqtalyp, eldiń shyǵys óńirlerinde jaýyn-shashyn beısenbige deıin jalǵasady.
Buǵan deıin Japonııada taıfýnnan 12 adam qaza taýyp, taǵy úsh adam iz-túzsiz joǵalǵany habarlanǵan bolatyn.
