Tokıoda Zarına Dııas sátti óner kórsetýde
ASTANA. QazAqparat - Japonııa astanasy Tokıoda ótip jatqan halyqaralyq týrnırdiń alǵashqy aınalymynda qazaqstandyq Zarına Dııas japonııalyq Mısakı Doımen kúsh synasyp, jeńiske jetti, dep habarlaıdy «QazAqparat» tilshisi.
Myscore.ru saıtynan tikeleı kórsetilimde málim bolǵanyndaı, álemniń 100-inshi raketkasy Zarına Dııas dúnıejúzilik reıtıngte ózinen bes saty joǵary turǵan qarsylasyna birinshi partııada 3:6 esebimen ese jibergenimen, ekinshisinde (6:1) aıqyn basymdylyq kórsetti. Úshinshi, sheshýshi partııada birden breık jasap, 2:0 esebimen alǵa ketti. Budan keıin japonııalyq tennısshi óz geımin alǵanymen, Z.Dııas taǵy bir breık jasap, esepti 4:1-ge, sosyn ózi dop bergende, esesin jibermeı, 5:1-ge jetkizdi. Sosyn taǵy bir breık jasaǵan qazaqstandyq tennısshi bul partııany da 6:1 esebimen aıaqtady.
Týrnırge irikteý saıystary arqyly qosylǵan Zarına osylaısha jeńisti jolyn jalǵastyrýda. Endi ol álemniń 28-inshi, osy týrnırdiń 2-inshi raketkasy, qytaılyq Chjan Shýaımen kortqa shyǵady.
Aıta keteıik, Tokıo týrnıriniń júlde qory 226 750 AQSh dollaryn quraıdy.
Bul týrnırge taǵy bir qazaqstandyq, álemniń 52-inshi raketkasy ıÝlııa Pýtıntseva da qatysýda.
