Tokıoda taza altynnan jasalǵan shyrshalar satylymǵa shyǵaryldy
ASTANA. 24 qarasha. QazAqparat - Jańa jyldy altynmen aptalǵan áshekeılermen qarsy alǵysy kelgenderge Tokıonyń zergerlik dúkeni tamasha bazarlyq jasady: satylymǵa altynnan jasalǵan shyrshalar shyǵaryldy, dep habarlady reseılik «Jańalyqtar» agenttigi.
Shyrshany jasaýǵa 40 keli altyn shyǵyndalǵan, al onyń «japyraqtaryna» Dısneıdiń ertegi keıipkerleri - Mıkkı Maýs, Tınker Bell, Zolýshka beıneleri oımyshtalyp órnektelgen, joǵary jaǵy altyn japyraqpen kómkerilgen. Aǵashtyń bıiktigi 2,4 metr, eni 1,2 metr. Ertegilik buıymnyń baǵasy - 4,2 mln. dollar.
«Qazir altynnyń bir gramynyń baǵasy 53,2 dollar turady. Biz jumysta taza altyndy ǵana paıdalandyq, 10 zerger keıipkerlerdi qoldan oıyp jasady, oǵan eki aı ýaqyt ketti», - deıdi dúkenniń menedjeri Tomoko Isıbası.
Dúkende osy shyrshanyń bıiktigi 25 santımetrlik kishireıtilgen nusqalary da bar kórinedi. Olarda Dısneı mýltfılmderiniń 20 keıipkerleri oıyp órnektelgen. Olardyń baǵasy 243 myń dollar.
«Úlken altyn shyrsha satyp alýshysyn kútýde, al kishkentaılary satyla bastady», - deıdi T.Isıbası.
