Tokıoda salynatyn ǵımarattyń bıiktigi 1700 metr bolmaq
ASTANA. QazAqparat - Bıiktigi 1 myń 700 metrdi quraıtyn eń bıik ǵımarat Tokıoda salynatyn boldy. Ol shahardyń ońtústik shyǵysyndaǵy jaǵalaýda turǵyzylmaq.
Nysan osy kúni álemdegi eń bıik ǵımarat sanalatyn Dýbaıdaǵy «Býrdj Halıfa» munarasynan eki ese uzyn bolady. Onyń ishine 55 myń adam jaıǵasa alady. Sky Mile dep atalatyn keshen jan-jaǵynan jasandy araldarmen qorshalady jáne jelge óte tózimdi bolmaq. Munda turǵyndar úshin saýda ortalyqtary, meıramhana, qonaqúı, kitaphana, emhana men jattyǵý zalyna deıin bolady. Ǵımarattyń ózi ekologııalyq taza elektr qýatymen qamtamasyz etilmek. Al joǵarǵy qabattarda sýdy qaıta óńdeıtin arnaıy qurylǵylar ornatylady, dep habarlaıdy 24.kz.
