Tokıoda ótýi tıis mánerlep syrǵanaýdan álem chempıonaty keıinge qaldyryldy
ASTANA. 15 naýryz. QazAqparat - Halyqaralyq mánerlep syrǵanaý sporty federatsııasy álem chempıonatyn josparlanǵan merzimde ótkizý-ótkizbeý máselesin talqylady.
Nátıjesinde, sharany keıinge qaldyrý týraly sheshim qabyldandy. Oǵan, kóptegen elderdiń óz azamattaryna Japonııaǵa ázirge sapar jasamaý týraly berip otyrǵan keńesteri sebep bolyp otyr, dep habarlaıdy «Maıak» radıosy.
Mánerlep syrǵanaýdan álem chempıonaty Tokıoda 21-27 naýryzdyń aralyǵynda ótýi kerek bolatyn.
