Tokıoda Olımpıada stadıony resmı ashyldy

NUR-SULTAN. QazAqparat – Tokıodaǵy Olımpıada jáne Paralımpıada oıyndarynyń bastalýyna segiz aı qalǵanda Olımpıada stadıonynyń qurylysy aıaqtaldy, dep habarlaıdy QazAqparat UOK saıtyna silteme jasap.

Saltanatty rásimge Japonııanyń premer-mınıstri Sındzo Abe, Tokıo gýbernatory ıÝrıko Koıke jáne sáýletshi Kengo Kýma men BAQ ókilderi qatysyp, Olımpıada oıyndardyń belgisi bolatyn nysandy kórip shyqty.

Olımpıada jáne Paralımpıada oıyndarynyń ashylý jáne jabylýy ótetin, fýtbol matchtaryn ótkizetin oryn kórermenderge umtylmas áser qaldyratyny anyq.

«Biz búkil álemniń sportshylaryn 2020 jyldyń 24 shildesinde ótetin Olımpıada jáne 2020 jyldyń 25 tamyzynda bolatyn Paralımpıada oıyndarynyń ashylý saltanatynda dúnıejúzi kóz tigetin Tokıo 2020 oıyndaryn osy stadıonda kóretinimizge qýanyshtymyz», - dedi Tokıo 2020 Olımpıada oıyndarynyń uıymdastyrý komıtetiniń bas dırektory Toshıro Mýto.

Bul orynnyń jobasyn qurastyrǵan tanymal sáýletshi Kengo Kýma negizgi basymdyqty ekologııalyq mánge bergen. Osyny eskere otyryp, stadıon aınalasyndaǵy tabıǵatqa, onyń ishinde Meıdjı Tszın ǵıbadathanasynyń janyndaǵy úlken jasyl aımaqqa sáıkes kelýi kerek ekenine mán bergen. Sondyqtan Kýma ǵımarat «jandy aǵash» dep ózi ataǵan aǵashtar men taldardan turýy kerek dep sheshken.

Stadıon aýmaǵynda 47 myńnan astam ortasha jáne alasa aǵash otyrǵyzyldy.

Olımpıada stadıonynda 2020 jyldyń 1 qańtarynda JFA fýtboldan Japonııa ımperatorynyń 99-shy kýbogy ótedi.