Tokıoda Olımpıada alaýynyń estafetasy aıaqtaldy

NUR-SULTAN. KAZINFORM –Japonııada olımpıada alaýy estafetasynyń sońǵy kezeńi aıaqtaldy. Atalǵan oqıǵaǵa qatysty saltanatty rásim Tokıo merııasy ǵımaratynyń janynda ótýde, dep habarlaıdy QazAqparat Olympic.kz-ke silteme jasap.

Estafetanyń sońǵy bóligi 9 shildede bastalyp, 15 kúnge sozyldy. Koronavırýsty ınfektsııanyń órshýine baılanysty alaý estafetasy kórermenderdiń qatysýynsyz, jabyq rejımde ótýde.

Osydan soń Olımpıada alaýy oıynnyń ashylý saltanaty ótetin basty olımpıadalyq arenaǵa jetkiziledi. Ázirge alaýdy kim jaǵatyny belgisiz.

Tokıo Olımpıadasy 23 shilde men 9 tamyz aralyǵynda ótedi.