Tokıoda metroǵa ýly gaz shashty degen kúdikpen 36 jastaǵy áıel ustaldy
ASTANA. QazAqparat - Tokıo polıtsııasy Takadanobaba metro stantsııasynda kózden jas aǵyzatyn gaz shashty degen kúdikpen áıeldi tutqynǵa aldy. Bul týraly RIA Novostı habarlady.
Eske sala keteıik, Tokıo metrosyndaǵy ýly ıisten toǵyz adam zardap shekken bolatyn.
28 qyrkúıek kúni keshki ýaqytta stantsııadaǵy jolaýshylar polıtsııaǵa qoshqyl ıis tarap jatqany týraly habarlap, oqıǵa ornynan toǵyz adam aýrýhanaǵa jetkizilgen edi.
Baqylaý beınekameralary jáne kýágerlerdiń túsiniktemesi arqyly oqıǵanyń sebepkeri 36 jastaǵy ıÝmıko Tsýkakosı ekenin anyqtaldy. Ol 32 jastaǵy er adamnyń artynda turyp, jas aǵyzatyn gaz shashqan.
Mamandyǵy anyqtalmaǵan kúdikti Nerıma aýdanynda turady.
