Tokıoda quny 29 mln dollar laǵyl tas urlandy
TOKIO. Kyodo News-QazAqparat – Sársenbi kúni Tokıo qalasynyń ortalyǵyndaǵy ǵımarattan satý týraly kelissózder júrgizilip jatqan kezde quny 3 mıllıardqa jýyq ıena (29 mıllıon dollar) bolǵan óndelmegen laǵyl tas urlanǵan. Bul týraly QazAqparat Kyodo News agenttigine silteme jasap habarlaıdy.
Eki er adam astananyń Gındza aýdanynda bolǵan oqıǵa ornynan izin sýytty.
Túske taman bul keleńsiz jaǵdaı týraly er adam polıtsııaǵa habarlaǵan.
Oqıǵanyń kýágeri polıtsııaǵa kúdiktiler izin jasyrmas buryn jáshikke tas salyp ketkenin aıtty.
Ǵımarat kóptegen elıtaly dúkender ornalasqan aýdanda, Ginza Tokyo Metro Co. stansasyna jaqyn jerde ornalasqan.
