Tokıoda kitap qumarlar úshin erekshe qonaq úı ashylady (FOTO)
ASTANA. QazAqparat - 5 qarasha kúni Japonııa astanasy Tokıo qalasynda «Kitap jáne tósek» (The Book and Bed Hostel) dep atalatyn qonaq úı ashylady, dep jazady «Moıa planeta» telearnasy.
Hosteldegi bólmelerde 1700-ge jýyq aǵylshyn jáne japon tilderindegi kitaptar men komıkster bolady. Keı nómirlerde bıik sóreden saty arqyly kitaptar alýǵa múmkindik jasalǵan. Qonaqtarǵa uzyndyǵy 200 sm, eni 80 sm bolatyn qýys beriledi. Onda sol sórede turǵan kitaptarmen «uzaqqa» barmaı tanysýǵa bolady.
