Tokıoda Qazaqstannyń taý metallýrgııalyq jobalarynyń tusaýy kesildi

BEIJІŃ-TOKIO. QazAqparat - Tokıoda Qazaqstannyń taý-metallýrgııalyq kesheniniń tanystyrylymyna arnalǵan semınar ótkizildi, dep habarlaıdy «QazAqparat» HAA Qytaıdaǵy menshikti tilshisi.

Japonııadaǵy QR elshiliginiń Japonııa ulttyq munaı, gaz jáne metall  korporatsııasymen (JOGMEC) birlese  uıymdastyrǵan sharasyna  metallýrgııa salasyndaǵy 40-tan astam qazaqstandyq jáne japonııalyq kompanııalardyń ókilderi qatysty. 

«Qazgeologııa» ulttyq geologııalyq barlaý kompanııasy» AQ bas geology Berikbol Hamzın semınar qatysýshylaryna ken jáne óndiris oryndaryna barlaý jasaý quqyǵyna ıe bolý úshin qajetti ruqsat qujattaryn rásimdeýdi jeńildetý jáne jyldamdatýǵa negizdelgen jer qoınaýyn paıdalaný jónindegi QR zańnamalaryna engizilgen jańalyqtar jaıly aıtty.

Shara barysynda Japonııanyń iskerlik ortasy «Qazgeologııa» AQ júzege asyrǵan birshama qyzyqty geologııalyq barlaý jobalarymen tanysty. Semınar qatysýshylary sheteldik ınvestorlardy tartýǵa arnalǵan Qazaqstan úkimeti qabyldaǵan sharalardy talqylady. JOGMEC atqarýshy dırektory Takafýmı Tsýdjımoto Qazaqstan tarapyna jobalar tanystyrylymy úshin alǵys bildirip, olardy birge júzege asyrýǵa qyzyǵýshylyq tanytty.