Tokıoda Qazaqstannyń antııadrolyq bastamalarynyń tanystyrylymy ótti
Bul týraly «QazAqparat» HAA menshikti tilshisi habarlady.
Sharaǵa 26 eldiń jáne halyqaralyq uıymdardyń delegatsııalary qatysty.
Japonııa syrtqy ister vıtse-mınıstri Kıesı Odavara óz sózinde Qazaqstan men Japonııanyń atalmysh kelisimdi iske asyrýda 9- konferentsııanyń teń tóraǵasy retinde atqarǵan is-áreketin joǵary baǵalady. Sondaı-aq eki eldiń ıadrolyq qarýdy taratpaý rejimin nyǵaıtý baǵytynda laıyqty úles qosqandyqtaryn atap ótti.
Qazaqstannyń Japonııadaǵy elshisi Erlan Baýdarbek-Kojataev sharaǵa qatysýshylardy Qazaqstan Prezıdentiniń aımaqaralyq jáne jahandyq qaýipsizdik salalaryndaǵy bastamalarymen habardar ete kele, bizdiń elimizdiń ıadrolyq qarýsyzdaný jáne taratpaý protsesine qosqan úlesin aıtty.
Sessııalyq otyrys barysynda Qazaqstan men Japonııa 9-konferentsııanyń teń tóraǵasy retinde ıadrolyq qarýdyń saldaryn joıýda eki el tájirıbesiniń asa mańyzdy ekendigin atap ótti jáne aldaǵy ýaqytta da ıadrolyq synaqqa jappaı tyıym salý jónindegi kelisimniń tezdetip kúshine enýine kúsh salatyndyqtaryn rastady.
Konferentsııa qorytyndysy boıynsha japondyq tarap Qazaqstanǵa Kelisimniń tezdetip kúshine enýi máselesin jyljytý baǵytyndaǵy Qazaqstannyń birlese júrgizgen belsendi jumysyna alǵys bildirdi.
