Tokıoda erekshe daıashylar jumys isteıtin dámhana ashyldy
ASTANA. QazAqparat - Dúısenbi kúni Tokıoda erekshe daıashylar qyzmet kórsetetin dámhana ashyldy, dep habarlaıdy «QazAqparat» Kyodo-ǵa silteme jasap.
Pılottyq rejımde iske qosylǵan DAWN ver.ß dámhanasyna kelýshilerge bıiktigi bir metrden sál ǵana asatyn 5 robot qyzmet etip júr. Robottar tapsyrys qabyldap, taǵamdardy ákelip turady.
Bir qyzyǵy, daıashy robottardy úılerinde otyrǵan dámhana qyzmetkerleri - múmkindigi shekteýli jandar basqaryp otyr. Olar dámhanada ne bolyp jatqanyn ınternet arqyly aýdıo jáne vıdeo kómegimen kórip, daıashylardy úılerinen planshet nemese kompıýter arqyly basqarady.
Dámhana osyndaı rejımde tek bıylǵy jyldyń 7 jeltoqsanyna deıin ǵana jumys isteıdi. Onyń turaqty nusqasy 2020 jyly Tokıoda ótetin Olımpıada jáne Paralımpıada oıyndarynyń qarsańynda iske qosylmaq.
Dámhana jobasynyń avtorlary osylaısha múmkindigi shekteýli jandarǵa kóbirek jumys ornyn uıymdastyrýǵa kómek bere alamyz dep úmittenip otyr.
