Tokıoda elektr qýatynyń óshýinen 673 myń poıyz jolaýshysy zardap shekti
ASTANA. KAZINFORM — Tokıoda temirjol jelisinde elektr qýatynyń óshýi juma kúni tańerteń shamamen 673 myń jolaýshynyń qatynasyna kedergi keltirdi, dep habarlaıdy AZERTADJ.
Álemdegi eń qarbalas vokzaldarǵa qyzmet kórsetetin eki negizgi baǵyttyń qozǵalysy toqtatyldy.
Agenttiktiń Reuters-ke silteme jasap habarlaýynsha, JR East temirjol kompanııasynyń málimeti boıynsha, ıAmanote jáne Keıhın-Tohoký jelilerindegi poıyz qozǵalysy toǵyz saǵatqa deıin toqtaǵan kórinedi.
JR East dereginshe, Tokıo qalasyndaǵy Tamachı stantsııasynda túngi jóndeý jumystarynan keıin elektrmen jabdyqtaýdy qalpyna keltirý múmkin bolmaǵandyqtan, eki jeli de juma kúni tańerteń jaryqsyz qalǵan.
Kompanııa ókiliniń aıtýynsha, stantsııa mańyndaǵy, relsterge jaqyn ornalasqan jabdyq jáshiginen tútin shyqqany baıqalǵan.
Budan buryn Tokıoda tolassyz jaýǵan jańbyr kólik qatynasyn úzip, bir adamnyń ómirin qıǵanyn jazǵan edik.